Skáld

Varðveitt hjá

Jónas Hallgrímsson, þjóðskáld, frummynd séra Helga Sigurðssonar sú sem Sigurður málari Guðmundsson hefir gert eftir mynd sína af Jónasi 1860, nr. 978. Mynd þessi er önnur þeirra fullteiknuðu mynda, er séra Helgi hefir gert af Jónasi; virðist hún gerð eftir hinni lauslegu teikningu, sem er nr. 154 í Málverkasafninu, og sennilega er þetta sú mynd, sem forseti Fjölnisfélags sýndi mönnum á fundi í félaginu á afmælisdegi Jónasar haustið eftir að hann dó og aftur á fundi í janúar næsta ár. Var hún þá falin Gísla Thorarensen, síðar presti, á hendur, til þess að láta málara einn, Déllington, gera eftir henni nýja mynd. Sbr. 978 og Rit J. H. , V., CLXXXII-CLXXXIII, með aths., og bls. CLXXX með aths. sama stærð.- Þar sem Sigurður málari hefir gert mynd sína 1860, er hann var hér í Reykjavík, virðist þessi mynd séra Helga hafa verið hér þá, en samkvæmt því er Baldur Sveinsson hefir skrifað aftan á bakið í umgerðinni, sem hún er nú í, hefir hún verið í eigu Ásgeirs etatsráðs Ásgeirssonar, komið úr búi hans í hendur Ásgeirs Magnússonar (er Baldur segir vera í New York 1913), sem gaf Baldri myndina. Baldur fól hana til geymslu í Þjóðminjasafninu 12. júlí 1913 og mun hafa ætlast til að hún færi ekki þaðan aftur. En ekki hefur hún verið tölusett fyrr. Hún er dregin á hvítt skrifpappírsblað, 23,2 x 19,5 að stærð, er það fest á grátt blað; með opi, sem er minna en blaðið, 18,5 x 14 cm og er það sett í gyllta umgerð, 5,3 cm. að breidd. Umgerð þessi virðist hafa verið sett um myndina áður en hún kom í eigu Ásgeirs etatsráðs, en þó ekki fyrr en löngu eftir að hún var gerð, og helst virðist hún vera sett um myndina erlendis. Skrifað er á hana með blýanti nafnið Guðni Guðmundsson; bendir það til að Guðni læknir Guðmundsson hafi átt myndina og jafnvel sett hana í þessa umgerð. Guðni var frá Mýrum í Dýrafirði, en hann fór til háskólans í Kaupmannahöfn 1872 og mun hafa verið í Danmörku aðallega, uns hann varð kennari við læknaskólann hér 1881-82; síðan fór hann aftur til Danmerkur og var læknir á Borgundarhólmi til þess er hann dó, 1908.- Ásgeir etatsráð dó 1912. Kann Guðni að hafa fengið myndina á skólaárum sínum í Reykjavík eða er hann var þar við læknaskólann, en Ásgeir fengið hana eftir hann eða hjá honum í Danmörku.

Aðrar upplýsingar

Ljósmyndari: Helgi Sigurðsson
Jónas P. Hallgrímsson, Á mynd

Efni

Myndlist, Blýantsteikning

Safnnúmer

Safnnúmer A: Mms-7157

Stærð

23.2 x 19.5 cm

Aðfangategund

Ljósmyndir

Undirskrár

Undirskrá: Mannamyndasafn (Mms)

Flokkun

Flokkun LÍ, Mannamyndir

Efnisorð / Heiti

Myndefni: Skáld

Heimildir

Aðfangabók Þjóðminjasafnsins Mannamyndasafns nr. 5236-17842 [1932 - 1947].