Sarpur – menningarsögulegt gagnasafn

Munir – myndir - minningar

Sarpur opnar dyr að íslenskum menningararfi. Þar má finna yfir 1,5 milljón skráningar frá um 60 söfnum og stofnunum um land allt – allt frá listaverkum, munum, ljósmyndum og fornleifum til náttúruminja, húsa og þjóðhátta. Meirihluti gagnanna er aðgengilegur hér á vefnum, en birting hluta efnisins er takmörkuð af lögum um höfundarrétt og persónuvernd.

Sögu Sarps má rekja allt aftur til ársins 1998. Árið 2025 kom út fjórða útgáfa kerfisins, byggð á lausnum MuseumPlus og eMuseumPlus frá Zetcom.

Rekstrarfélag Sarps á og rekur kerfið, en hvert aðildarsafn ber ábyrgð á skráningu og birtingu sinna gagna, þar á meðal texta og myndefni sem birt er á vefnum.


Markmið vefsins

  • Að gera menningararfinn aðgengilegan almenningi og fræðimönnum.
  • Að kynna aðildarsöfn Sarps.
  • Að efla rannsóknir, samstarf og fræðslu.
  • Hvetja til samtals í gegnum „Veistu meira“ hnappinn þar sem leikmenn geta deilt þekkingu sinni með söfnunum.

Notkun efnis

Fyrirspurnir um myndefni eða skráningar í Sarpi skal senda beint til viðkomandi safns.

Vinsamlegast skoðið Notkunarskilmála varðandi pantanir, afnot af myndefni og tilvitnanir í heimildir af vefnum.


Um leitina á sarpur.is

Hægt er að slá inn leitarorð eða nota ítarleit til að þrengja leit með síum. Með Röðun er hægt að birta niðurstöður í mismunandi röð, t.d. eftir aldri aðfanganna eða nýjast skráðu.

  • Ef hakað er við „Aðföng á sýningu“ birtast aðeins þau aðföng sem eru í sýningarrými hjá söfnunum.
  • Ef hakað er við „Aðföng með ljósmyndum“ birtast aðeins aðföng sem hafa ljósmynd.

Einnig má nota skipanir til að fínstilla leitina og fá nákvæmari niðurstöður.


Yfirlit yfir leitarvirkni

  1. AND
    Útskýring: Bæði (eða fleiri) leitarorð verða að vera til staðar í niðurstöðunni.
    Dæmi: stóll AND tré
  2. OR
    Útskýring: Annað hvort leitarorð verður að vera til staðar.
    Dæmi: kona OR drengur
  3. NOT
    Útskýring: Orð sem mega ekki vera í niðurstöðunni.
    Dæmi: stóll NOT tré
  4. Hópar (())
    Útskýring: Hópar saman flóknar skipanir til að stýra leit.
    Dæmi: (kona OR drengur) AND stóll
  5. Margir stafir (*)
    Útskýring: Leitar að orðum sem byrja á sömu rót, óháð endingu.
    Dæmi: portr* (finnur portrait, portrett o.fl.)
  6. Einn stafur (?)
    Útskýring: Táknar nákvæmlega einn staf.
    Dæmi: tr? (finnur tre eða tré)