Saumavél
1947
Varðveitt hjá
Þjóðminjasafn Íslands
Aðalheiður Kolbeins, systir gefanda, keypti saumavélina í Husqvarna í Svíþjóð 1947. Þá var hún á námskeiði þar. Tók vélina með sér til Íslands 1948. Notaði á Patreksfirði. Sigríður Kolbeins, eiginkona gefanda, eignaðist saumavélina 1953 og notaði fram til 1971, fyrst í Sauðlauksdal í eitt ár, svo á Melstað, en ekkert í Stykkishólmi. Séra Gísli Kolbeins þjónaði á fyrrgreindum stöðum. Rafmagnsvél leysti þessa vél af hólmi.
Þetta er fótstigin saumavél á borði. Hægt er að fella vélina inn í borðið þegar hún er ekki í notkun. Fótstigið [mjög ógreinileg skrift: með stillihjóli, sést hins vegar ætíð.] Seinna komu vélar í skáp. Lakkið á saumavélaborðinu er orðið slitið, lakk á borðlöppum töluvert rispað. Þokkalegur gripur annars.
Sjálf saumavélin er græn á lit og í góðu standi. Tegundarheitið stendur á hliðinni með gylltu letri: HUSQVARNA. Á skilti neðarlega á fremra fæti má lesa "12" og 705. Framleiðslunúmer sést þegar vélinni er lyft upp úr farinu: 1684336. Sitt hvoru megin við númerið er kórónað H. Snúra fylgir með, en er orðin skemmd.
Ofan á vélina til hlífðar, er lögð léreftssvunta og troðið bréfi í vasana. Þetta er líklega svunta til að hengja á vegg.
Uppgefin mál, í reit hér að ofan, miðast við hlutinn í "hvíldarstöðu", þ.e. þegar saumavélinni hefur verið stungið í borðið og lokað.
Aðrar upplýsingar
Ártal
1947
Safnnúmer
Safnnúmer A: T
Safnnúmer B: 1993-290
Stærð
60 x 46 x 79 cm
30 g
Lengd: 60 Breidd: 46 Hæð: 79 cm
Staður
Staður: Melstaður, 531-Hvammstanga, Húnaþing vestra
Aðfangategund
Undirskrár
Undirskrá: Tækniminjasafn (T)
Efnisorð / Heiti
Efnisorð: Saumavél
Upprunastaður
65°18'42.5"N 20°54'29.1"W