Til baka í leit
Veistu meira?

Mynd, sem veggskraut

1901
Varðveitt hjá
Þjóðminjasafn Íslands
Ísaumsmynd af Katrínu helgu, innrömmuð og undir gleri. Hæð 48 sm, br. 43 sm, hvorttveggja utanmál. Ramminn er tvöfaldur. Að framan er hann úr fjórum, fremur þunnum mahónífjölum, 7.5 sm á br. Hver um sig hefur upphækkaðan ramma framan á brún. Í reitnum er upphleypt teinungaskraut á flötum depluðum grunni.    Sjálf mynd Katrínar helgu er saumuð í ljósbrúnan dúk, með kúnstbróderí o.fl. tegundum ísaums, og úr margs konar þræði, m.a. silfur- og gullvír. Af sverðinu og hjólinu má þekkja dýrlinginn Katrínu, en þessi tákn minni á pynding hennar og dauða. Eftir alkunnri helgisögu var hún pynduð á gaddahjóli og hálshöggvin með sverði. Var það með dómi hinna fimmtán lærimeistara í Alexandríu. Mynd þessa mun frú Torfhildur hafa saumað eftir vel þekktri ísaumsmynd af heilagri Katrínu, sem er á hökli frá Skálholti, Þjms. 11923. Búnaðurinn á honum er frá ýmsum tímum, en álman, sem mynd þessi er í, virðist mjög forn.     Á bréfmiða, sem er undir glerinu neðarlega til hægri, stendur skrifað með brúnleitu bleki:  - Mynd þessi er frá árinu 1901. Hún er saumuð og stækkuð af Torfhildi Þorsteinsdóttur Hólm, en frummyndin var gamall hökull frá Skálholti. Ramman gerði Stefán Eiríksson í Reykjavík, 1907 (L.Th.).    Það, sem einkum ber á milli, er, að á mynd frú Torfhildar stendur heilög Katrín í bogahliði. Greinar spretta upp af því, og sitja tveir fuglar í þeim.

Aðrar upplýsingar

Ártal
1901
Safnnúmer
Safnnúmer A: 15253 Safnnúmer B: 1952-131
Stærð
48 x 43 cm Lengd: 48 Breidd: 43 cm
Aðfangategund
Undirskrár
Undirskrá: Munasafn
Efnisorð / Heiti