Klyfberi
1900 - 1950
Varðveitt hjá
Þjóðminjasafn Íslands
Klyfberi, smíðaður úr birki, með
klökkum úr hreindýrshorni, þremur talsins. Mest breidd við fjalir
8,6 cm, en mest þykkt 6,4 cm, klakkar eru mislangir, sá sem er yst til
hægri 9,8 cm á lengd, miðklakkurinn 6,2 cm, og sá sem er yst til vinstri
9,4 cm, þvermál mest 2,8 cm. Stúfar ganga út frá boga í göt beggja
megin, og eru samskeytin styrkt með trétittum. Sneitt er af brúnum
á boganum að framan og aftan og ofan af innri brúnum á hliðarfjölum. Gegnum
fjalirnar eru boruð fjögur göt, kringlótt, tvö að framan og tvö að aftan
sitt hvoru megin, snærisspottar þræddir í götin á vinstri hliðinni, og
hanga í þeim sprotar úr leðri, tveir, lengd um 47 cm, með fúa götum að
endilöngu, en andspænis er ól milli tveggja gata. Brúnir lítið eitt
eyddar og sjá má flekki. Klyfbera þennan hefur smíðað Jón Jónsson,
bóndi á Bessastöðum, faðir gefanda og er hluturinn úr búi hans. Er
þetta sagður vera fullkominn Fljótsdalsklyfberi, smíðaður úr viði úr Hallormsstaðaskógi.
Á voru þrjár gjarðir, eins og alltaf tíðkaðist eystra. Samanber
Landbúnaðarsafn.
Aðrar upplýsingar
Ártal
1900 - 1950
Efni
Safnnúmer
Safnnúmer B: 1964-102
Stærð
6.7 x 5.3 x 0.7 cm
Lengd: 6.7 Breidd: 5.3 Hæð: 0.7 cm
Staður
Staður: Bessastaðir, 701-Egilsstöðum, Fljótsdalshreppur, Fljótsdalur, Ísland
Sýningartexti
Klyfberi með tveimur klökkum og
miðklakki og þremur gjörðum. Smíðaður úr birki úr Hallormsstaðarskógi af
Jóni Jónssyni bónda á Bessastöðum í Fljótsdal á fyrri hluta 20. aldar.
1964-102
Klyfberi með tveimur klökkum og
miðklakki og þremur gjörðum. Smíðaður úr birki úr Hallormsstaðarskógi á
Austurlandi, á fyrri hluta 20. aldar.
1964-102
Spjaldtexti:
Klyfberi til
að reiða með hey og varning.
Pack saddle for
carrying hay and other goods on horseback.
Aðfangategund
Undirskrár
Undirskrá: Munasafn
Efnisorð / Heiti
Efnisorð: Klyfberi
Upprunastaður
65°3'15.9"N 14°55'25.9"W