Vasaúr
1908
Varðveitt hjá
Þjóðminjasafn Íslands
Gullúr úr eigu frú Torfhildar Hólm. Hefur verið borið í festinni, sem skráð er hér næst á eftir. Það er kringlótt, 3.5 sm í þvermál, 1 sm á þykkt. Skífan er með hvítum glerungi og svörtum arabískum tölum. Úrið hefur bæði stunda-, mínútu- og sekúnduvísi. Gler á lokum. Bæði fremra og aftara lok eru á hjörum sitt hvorum megin við kassajaðarinn neðst. Typpi er á jaðrinum hægra megin við lykkjufótinn. Á baklokinu utanverðu er til skrauts fíngert net, gert úr gröfnum boglínum, en í miðju upphleyptur skjöldur með blómskrauti við jaðrana. Innan á loki þessu eru ýmis konar stimplar og grafnar tölur. Efst á fletinum er smíðanúmer, í ramma: 0,585, en neðst annað sams konar: 205147. Á hlífina, sem hylur verkið, er grafið með skrifletri: Torfhildur Þ. Hólm. / Frá nokkrum konum / í Reykjavík / 23.4.1908. - Úr þetta er mjög skemmtilegur gripur. Það má kallast vel varðveitt.
Aðrar upplýsingar
Ártal
1908
Efni
Safnnúmer
Safnnúmer A: 15255
Safnnúmer B: 1952-133
Stærð
3.5 x 0 cm
Lengd: 3.5 cm
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Munasafn
Efnisorð / Heiti
Efnisorð: Vasaúr