Vesti

1886 - 1904

Varðveitt hjá

Landshöfðingja -einkennisbúningur, sem Magnús Stephensen landshöfðingi bar. a.I. Einkennishattur með svörtu silkiflosi, skreyttur á börðunum að aftan og framan með gullvírs-kringlum og skúfum. Börðin stór, en á báðum hliðum feld alveg að kollinum, og er hægra megin fremst sett utaná barðið stór litkringla rauð með silfurvírsrönd (dönsku þjóðlitirnir ), en ofan á hana og aftur eptir barðinu mikið gullvírsskraut, hnútur með doppum, stórri stjörnu og gyltum, kúptum hnappi. Að innan er svitaskinn, neðst, og silkifóður hvítt, rykt, með stimpli hattarans: A.F. Bodecker, Kjöbenhavn, Kongens Nytorv 20. a.II. Fjaðraskúfur með löngum, mjallhvítum fjöðrum, sem eru settar í hverfing um stöng og upp með henni en beygjast allar og lafa niður. Fylgir a.I.; festin innanvið hægra barðið. Um 15 cm. hár og um 12-13 að þverm. a.I. og a.II. eru hvor fyrir sig í pappahylki, frumlegu. b. Einkennisfrakki úr blásvörtu klæði, fóðraður svörtu atlaski. Kraginn er allur gullsaumaður, með eikarlaufi og breið uppslög á ermunum sömuleiðis. Einnig eru gullsaumuð bönd á öxlunum. Með 8 gyltum, kúptum hnöppum á hvorum boðangi, frá mitti og uppað öxl, og 3 sams konar á hvoru vasaloki aptan á löfunum. Á þeim er ríkisskjaldarmerkið danska, kórónað. Kraginn er 3,7 að br. (h.), en bakið 45 niður að mittissaum og löfin 43 að l. c. Vesti, tilheyrandi b., úr sams konar klæði [blásvörtu], fóðrað hvítum vefnaði: einhnept, með 7 gyltum, kúptum hnöppum og er kóróna upphleypt, á þeim. Ekki mjög flegið; með kraga. d. Hvítt vesti, einhnept, hefur mátt setja í það 9 hnappa, en þeir eru ekki í nú. Lítið flegið og er kragalaust. e. Buxur, tilheyrandi b.-e.; úr sams konar klæði; með 4,5 cm. br., gullofnum borða utanfótar beggja vegna L. 108 cm. f. I.-II. Axlaskúfar, til að festa á b.; mjög breiðir og skrautlegir; með kórónu ofaná yzt og hnappi innst, sams konar og er á frakkanum, b. Eru í frumlegu hylki, með tilheyrandi koddum í milli og yfir. g.I. Sverð, eineggjað og apturbogið; fagurskyggt, en málalaust. Handbjörg gylt og með danzka ríkisskjaldarmerkinu framaná. Skelplötur á handfanginu beggja vegna og gullvírsskúfur, með gullofnum böndum, bundinn við. - Skálpurinn klæddur svörtu skinni með drifnum og gyltum hólkum og döggskó. Merktur Heraseek & sÝn og ártalinu 1886. Sverðið er í frumlegum skinnpoka, fóðruðum með rauðu ,,flóneli“. g.II. Sverðfetill, tilheyrandi g.I, úr rauðu skinni, klæddur gullvírsborða að utan og með gyltum spennum, krók m. fl.: 2,5 cm. að br.

Aðrar upplýsingar

Magnús Stephensen, Notandi

Ártal

1886 - 1904

Safnnúmer

Safnnúmer A: 7498-d Safnnúmer B: 1917-154

Staður

Núverandi sveitarfélag: Reykjavíkurborg, Reykjavíkurborg

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Vesti