Til baka í leit
Veistu meira?

Gaffall, til matar

1500 - 1627
Varðveitt hjá
Þjóðminjasafn Íslands
„Gaffall“  úr silfri, skaptið lýtt, og alveg af sömu gerð og knífblaðið. Greinarnar og leggrinn er úr silfri, síðar gjört og hvítt, gaffallinn er þrýoddar og líkr í lagi og gamlir járngafflar. Bæði blaðið og greinarnar, hafa verið smíðað úr silfri. allir þessir 4. hlutir vega 13 lóð og 1 kv. Umgjörðin (futeralið) er svo haganlega tilbúin, að hún rúmar all þessa 4. hluti hún er á hjörum og krækt saman, fóðruð innan með hjartarskinni, en að uta klædd með leðri sem alt er sett með laufum og rósastreingjum utanmeð á röðunum, alt er þetta vel um búið og sterklegt, er einsgömul og hlutirnir sjálfir, en hefir þó verið límd upp síðar, umgjörðin er nær 4.þuml. á lengd. Það er tvímælalaust, að Guðbrandr biskup hefir átt hluti þessa, sem hans eigið fángamark synir, en þó það væri ekki, bera hlutirnir það sjálfir með sér, að þeir eru frá 16 öld, bæði rósir og annað lag, sú sögn hefir og altaf fylgt, hann hefir sjálfsagt látið smíða þá til að hafa á ferðum sínum: hér á safninu er og ferðakoffort hans, til að slá út og gjöra úr borð, um tinaskinn hefi eg talið hér að framan. Þessir hlutir eru úr því stórauðuga Krossavíkurbúi, og fékk eg þá í sumar er eg var þar, vissi eg af þeim fyrir löngu, því þeir hafa lengi þótt dyrgripir miklir, enginn maðr hefir þá fengið, en þegar eg kom og hafði staðið þar við um hríð, og skoðað þá og sagt hverja þyðingu forngripasafnið hefði, fekk eg þá undir eins, þeir kostuðu 55 kr. En útlendingar sem skin báru á þesskonar á Vopnafirði, og sáu þá, tilnefndu mörghundruð Kr. uppi þúsund. Hvernig sem á er litið, vona eg að þessir einu hlutir, hafi gjört meira gagn á þeirri ferð, er það þá þar fyrir utan. Slíkir gripir eru ekki til á landi hér, og þó víðar væri leytað, það er að segja þess kyns.

Aðrar upplýsingar

Ártal
1500 - 1627
Efni
Safnnúmer
Safnnúmer A: 3417-2 Safnnúmer B: 1890-52
Stærð
17.8 x 1.8 cm Lengd: 17.8 Breidd: 1.8 cm
Staður
Staður: Krossavík 1, 690-Vopnafirði, Vopnafjarðarhreppur
Sýningartexti
Gaffall, hnífur og skeið ásamt vínskál úr silfri í endurlifunarstíl, sumt að hluta endurnýjað, í tilheyrandi leðurhylki. Talið upphaflega í eigu Guðbrands biskups Þorlákssonar á Hólum, d. 1627, og er fangamarkið GTS á skeiðinni, að auki áletranir á þýsku og latínu og fangamörk hjóna, sem ekki eru ráðin. Komin til safnsins frá Krossavík í Vopnafirði. 3417 Gaffall, hnífur, skeið og vínskál í renessansstíl, að hluta endurnýjað, saman í leðurhylki. Áhöldin sögð úr eigu Brynjólfs biskups Þorlákssonar á Hólum, d. 1627. Spjaldtexti: Ferðaveski með mataráhöldum og vínskál úr silfri. Fangamark Guðbrands er á skeiðinni. Traveller’s satchel containing cutlery, bowl and a silver wine cup. The spoon is marked with Bishop Guðbrandur’s initials.
Aðfangategund
Undirskrár
Undirskrá: Munasafn
Efnisorð / Heiti

Upprunastaður

65°43'34.3"N 14°45'3.4"W