Súpuskeið

1824

Varðveitt hjá

Súpuskeið úr silfri, ausan sporöskulöguð 11,1 cm að lengd, 7,6 cm breið og 4,0 cm dýpt, gerð úr 1,5 mm þykku silfri. Skaftið lóðað við annan langa bogann. Það er mjög bratt upp frá ausubarminum og er 29,8 cm langt. Efst er það tungumyndað venjulegt skeiðarskaft, 3,9 cm breitt mest, og þar eru grafnar á það að ofan 2 greinar með blöðum báðum megin. Aftan á skaftinu eru 4 stimplar, hver upp af öðrum. Efst eru 3 turnar, merki Kaupmannahafnar, og talan 24 undir ( þ.e. ártalið 1824), þá stórt N, sem er einkennisstafur Christian Peder Næboes, er var silfurvörður 1823 - 27, þá meistaramerkið CJ, er mun vera Jens Chr. Jörgensen, fyrst nefndur sem meistari 25/1 1816 og loks mánaðarmerkið, hyrndur hrútur, þ.e. 20 marz - 20 apríl. Allir þessir stimplar hafa einnig verið á ausunni sjálfri að aftan, en einn þeirra meistaramerkið, sést ekki nú. Oscar Clausen hefur selt safninu þessa skeið.

Aðrar upplýsingar

Gefandi: Óskar Clausen

Ártal

1824

Efni

Ólífræn efni, Málmur, Silfur

Tækni

Málmsmíði/Gullsmíði

Safnnúmer

Safnnúmer A: 11445 Safnnúmer B: 1933-13-2

Stærð

11.1 x 7.6 x 0 cm Lengd: 11.1 Breidd: 7.6 Hæð: 0 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Súpuskeið