Til baka í leit
Veistu meira?

Reiði, af reiðtygjum

1700 - 1750
Varðveitt hjá
Þjóðminjasafn Íslands
Reiði, tvöfaldur, þ.e. klofinn aptan og framan, stangaður saman úr þreföldu leðri og allur látúnsbúinn, hann er 53 cm. að l. auk volka, sem spentur er við reiðann með 4,1 cm. breiðum koparhringjum, fremst á hvorri ól er og 3,7 cm. br. koparhringja, og eru þar festar í beygjur úr eir og látúni, sem negldar eru um ólaendana, sem venja er til: á öðrum aptur enda er og látúnsbeygja til styrktar, en farin af hinum og hefur hann því raknað upp. Br. reiðans er 7-8 cm. Á hvorri ól er ferhyrnd doppa úr látúni fyrir framan og aptan reiðakúluna, sem er fest á miðjan reiðann, hvelfd og gagnskorin, og með laufskorinni rönd, með trje undir: leikur á nagla og má snúa: þverm. 8,5 cm. Á hann er grafið og gagnskorið 4 bl. blóm í miðju og umhverfis grein eða blaðastreng í 3 bugum. Á doppurnar fyrir framan og sömuleiðis á þynnurnar á endunum fremst eru grafnar greinar í einum og tveim sívafningum og á doppurnar fyrir aptan er grafinn valhnútur. fyrir framan og aptan hverja doppu er naglahaus úr látúni, tigulmyndaður og með upphleyptu blómskrauti, þverm. 1,8 cm: hafa tveir verið fyrir aptan eptri doppurnar, eins hefur farið af hvorri ól, svo að nú eru 8 eptir. -Sjá má að lendarólar hafa verið á reiðanum og sprotar út frá reiðakúlunni, en alt hefur það verið skorið af beggja vegna. Yfirborðið virðist úr sútuðu leðri, en undir og í volkanum er ósútað leður. -Lílega frá fyrri hluta 18. aldar. -Tilheyrði áður Ingunni Gunnlögsdóttur, prests á Hálsi, Gunnlögssonar, konu Jóns, sýslumanns og kammerráðs á Melum, Jónssonar.

Aðrar upplýsingar

Ártal
1700 - 1750
Efni
Safnnúmer
Safnnúmer A: 2659 Safnnúmer B: 1885-65
Stærð
53 x 8 x 0 cm Lengd: 53 Breidd: 8 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti