Panta mynd Notkunarskilmálar

Stokkur, óþ. hlutv.

1835

Varðveitt hjá

Þjóðminjasafn Íslands

Úr aðfangabók: Stokkur, smíðaður úr furu og útskorinn. Hliðar, botn og lok hvert um sig úr einni fjöl, og er fest um samskeyti með trénöglum. Lengd 42.2 sm, hæð mest (við gafla) 23.5 sm, breidd 20.6 sm. Lokinu er smeygt inn undir uppistöður á miðjum göflum og er læst með tappalæsingu við annan gaflinn. Uppi við hinn gaflinn er handraði. Lokið skiptist að ofan í reiti með ristum línum. Hægra megin á því er áletrun, með höfðaletri og arabískum tölum. Í efri línu eru fyrst þrír stafir: annað hvort GLD eða HLD, en aftan við þá er A. Í neðri línu þessarar áletrunar: ANO 1835. Framhliðin skiptist í þrjá lárétta aðalreiti, með ristum línum, eins og lokið. Í efsta og neðsta reit eru skornir samkræktir hringar, en í miðreitnum er áletrun. Sams konar tilhögun er á hinum hliðunum. Ef lesið er frá framhlið og farið hringinn, hljóðar áletrunin: HUAUR SEM SEOT / KINAUDG / RUNDAIEIGUSINILS / TABEIAF. Hún er fyrst í stað auðskilin: Hver sem stokkinn auðgrund á í eigu sinni, en því næst taka við skammstafanir, sem ekki verður lesið úr.* Skurðurinn er allur fremur grófur. Stafirnir í áletruninni mega kallast skýrir í úrlestri, en sá, sem skar hefur notað ýmsa óvenjulega höfuðletursstafi og orðið á að víxla stöfum. Guðmundur Þorsteinsson gerði við stokk þennan 1960 og setti þá m.a. lok á handraðann. Stokkurinn er úr eigu frú Torfhildar Hólm. Fékk hún hann frá móður Þuríðar Lange, Björgu Jónsdóttur frá Háagerði á Skagaströnd. Sjá um frú Torfhildi undir Þjms. 15260. Skápur með sams konar verki er í Glaumbæ. *(LiSTA BEzta LÁnið Finni.) Freyja Hlíðkvist Ómarsdóttir, nóvember 2010: Stokkurinn er eftir Bólu-Hjálmar. Áletrun er eftirfarandi: Á loki: GLDA eða HLDA [G... eða H... L...dóttir á] ANO 1835 Áletrunin byrjar á framhlið og gengur svo hringinn: HUAURSEMSEOT KINAUDG RUNDAIEIGUSINILS TABELAF Þ.e.: Hver sem stokkinn auðgrund á í eigu sinni, lista besta lánið finni. Sjá ennfremur stokk nr. Þjms. 2008-5-229, sem er samskonar stokkur með sömu áletrun (fyrir utan upphafsstafi og ártal).