Upphlutur

Varðveitt hjá

Rauður upphlutur (upphlutsbolur) með baldýruðum borðum/boðungum. Baldýringin er í gylltum, brúnum og bláum litum, einskonar blóm eða lauf. Hann er fóðraður með ljósu strigaefni sem nú er orðið mjög óhreint. Meðfram brúnum í handvegi og hálsmáli er brún brydding. Á baki eru þrjár leggingar úr flauelsefni, svörtu og vínrauðu. Yfir axlasauma eru einnig leggingar, gulgrænar og bláar að lit. Upphluturinn er eilítið slitinn og hefur verið lengdur lítillega neðst á hlýrum að framan. Að auki er hann bættur á fjórum stöðum, neðarlega, og sjást þær viðgerðir vel að innanverðu. Búið er að fjarlægja millurnar. Upphluturinn barst safninu fyrir mörgum árum en er ekki skráður fyrr en nú. Hann var lengi vel geymdur í skattholi nr. þjms. 5055 ásamt fleiri munum (2002:40-43). Munir þessir eru koffortinu óviðkomandi. Ekki er vitað hvaðan upphluturinn barst safninu. Hann gæti þó fylgt hinum mununum og þar af leiðandi verið úr eigu Torfhildar Hólm (sbr. bréf er fylgdi, sjá færslu 2002:41).

Aðrar upplýsingar

Torfhildur Þorsteinsdóttir Hólm, Notandi

Efni

Lífræn efni, Textíll, Náttúruleg vefjarefni, Bómullarefni

Safnnúmer

Safnnúmer B: 2002-43-1

Stærð

38 x 34 x 0 cm Lengd: 38 Breidd: 34 Hæð: 0 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Upphlutur