Stundaklukka
1667
Varðveitt hjá
Þjóðminjasafn Íslands
Stundaklukka, árt. 1667.
Stundaklukka, gömul, skrautleg mjög. Er hún með ferhyrndum kassa úr kopar, í henni sólarhirngsgangur og slagverk, pendúll við, með þunnum koparskildi að neðan og tvö blýlóð, sívöl, með koparhlíf, sem hanga í keðju úr kopar. Skífan er tvöföld, vísir aðeins einn, úr stáli og með loftverki, rómverskar tölvur og merki, grafin á gjörð úti við brúnirnar, I-XII, en í miðjunni lítil kringla, sem má snúa og þar grafnar arabískar tölur, 1-12 og merki, meðfram brúnum. Jurtaskraut grafið, í bilinn og á lausu kringlunni. H. klukku þessarar er 38,5 cm, br. mest við skífuna, 16,2 cm, en frá framhlið að baki 14,5 cm. Í kassanum hornstuðlagrind, stuðlar grannir, sívalir og kúlufætur á að neðan, þynna úr kopar í hliðum öllum og höfð er koparþynna í kassa að ofan og við botn, þynnurnar sitt hvorum megin skífu leika á hjörum að aftan, en við miðja frambrún er handfang, lítið typpi, skrautlegt typpi er efst á stuðlunum og ganga þaðan mjóar, sveigðar ræmur úr kopar inn yfir felju, tengjast þær við miðju, en þar rís typpi, skrautlegt, 6 cm á h., liðlega, undir grind þessari er höfð bjalla úr stáli, skálarlaga og snýr kúpan upp, þvm. við bjöllu þessa er 13,6 cm. Þynna með gagnskornu og gröfnu verki, jurtaskrauti, er á kassabrúnunum að ofan á þrjá vegu, að framan og sitt til hvorrar handar og er í miðju flúri þessu lítill skjöldur. Fangamark, grafið, er á skildi framhliðar, hér gert S,C og K, að því er virðist og stafir látnir fléttast saman, en neðan undir fangamarkinu er grafið ártal, 1667, áletrun er grafin meðfram neðri brún sömu skrautþynnu, lesa má þar, „William Sellwood at Yemermayd in Lothburg“.
Ágætur gripur.
Koparinn er örlítið farinn að dökkna og sjá má dældir á pendúlskildi.
Sbr. ritið „Britten's Old Clock and Watches“, þar sem getið er um úrsmið að afni William Selwood.
Andrés Johnson rakst á þessa klukku í dóti uppi á lofti að Bessastöðum. Var hún í eigu Sveins Björnssonar forseta eða konu hans, Georgíu.
Aðrar upplýsingar
Ártal
1667
Efni
Safnnúmer
Safnnúmer A: Á-284
Stærð
38.5 x 16.2 x 14.5 cm
Lengd: 38.5 Breidd: 16.2 Hæð: 14.5 cm
Staður
Staður: Bessastaðastofa, Bessastaðir, 225-Garðabæ, Garðabær
Aðfangategund
Undirskrár
Undirskrá: Ásbúðarsafn (Á)
Efnisorð / Heiti
Efnisorð: Stundaklukka