Klukka

1880

Varðveitt hjá

Stór veggklukka frá sr. Þorvarði Þormar, presti í Laufási við Eyjafjörð. Saga klukkunnar skv. meðfylgjandi bréfi frá Guttormi VÞ Þormar dags. 16. maí 2013: Þessa klukku keypti faðir minn, sæera Þorvarður G Þormar, árið 1919 af dánarbúi Torfhildar Þorsteinsdóttur Hólm, skáldkonu. Torfhildur fæddist 2. febrúar árið 1845, dáin 14. nóvember árið 1918. Faðir hennar var Þorsteinn Einarsson, prestur á Kálfafellsstað í Suðursveit. Maður Torfhildar var Jakob Hólm verslunarstjóri á Hólanesi nyrðra. Hún var í Ameríku frá 1876 til 1889. Torfhildur gaf út bókmenntaritið Draupni 1891 til 1908 og Dvöl á árunum 1901 til 1917. Klukkan er sennilega keypt í Ameríku og er áreiðanlega yfir 100 ára gömul. Faðir minn fór með hana austur á land um 1921 og hún hefur hangið uppi í Hofteigi þangað til 1928 þegar foreldrar mínir fluttust norður í Laufás við Eyjafjörð. Hún hefur því verið flutt á milli landa og landshluta, á skipum, hestum og fleiri farartækjum. Hún hékk uppi í stofu móður minnar í Sólheimum 23 og í dagbók hennar hefur hún skrifað að ég skuli fá klukkuna til varðveislu. Klukkan hefur nokkrum sinnum farið í viðgerð en eftir að hún kom í Eikjuvoginn hefur hún oftast gengið ,,eins og klukka,, en það þarf sérstaka gætni við að draga hana upp. Eikjuvogi 5, 16. maí 2013 Guttormur VÞ Þormar