Höfundarréttur: Jón Hákon Magnússon

Altari

07.05.1959

Varðveitt hjá

Borgarneskirkja. Frá vígsluathöfninni. Forseti íslands, Ásgeir Ásgeirsson, og frú á kirkjutröppunum ásamt prestum og biskupi. Þann 7. maí 1959 var hin glæsilega kirkja í Borgarnesi vígð. Biskup Íslands, herra Ásmundur Guðmundsson, vígði kirkjuna. Forseti Íslands og frú hans svo og margir prestar voru viðstaddir vígsluna, þar á meðal prófastur Mýraprófastdæmis, séra Bergur Björnsson í Stafholti. Halldór H. Jónsson arkitekt teiknaði kirkjuna. Var athöfnin öll mjög hátíðleg og kirkjan fullskipuð. Sóknarpresturinn, séra Leó Júlíusson, prédikaði en þeir sr. Bergur Björnsson prófastur í Stafholti, sr. Einar Guðnason í Reykholti, sr. Björn Magnússon, sr. Þorsteinn L. Jónsson, sr. Óskar Finnbogason, sr. Sigurjón Guðjónsson prófastur í Saurbæ, sr. Jón Guðjónsson, Akranesi og sr. Magnús Guðmundsson í Ólafsvík, aðstoðuðu við vígsluna. Kirkjukór Borgarness söng undir stjórn Stefaníu Þorbjarnardóttur. „Presturinn sem er annar frá hægri er sr. Björn Magnússon, langafi minn. Hans er getið sem einn þeirra sem aðstoðuðu við vígsluna, en hans er ekki getið sem eitt myndefna þessarar myndar.“ (ÞSS 2021)