Panta mynd Notkunarskilmálar

Útsaumaður púði

1952 - 1953

Varðveitt hjá

Borgarsögusafn Reykjavíkur

Nemendavinna úr Austurbæjarskóla 1952-1953. Lítill útsaumaður púði. Á púðanum er útsaumuð mynd með krosssaumi (lítið hús í landslagi). Utan um myndina er saumaður taukantur úr ljósgrábleiku efni. Sama efni er á bakhlið. Púðinn er upplitaður því hann var lengi í dúkkuhúsi sem stóð á lóð fjölskyldunnar. Á þessum árum voru í gildi námskrárdrög frá 1948. Púðinn var svokallað aukastykki, unninn í 9 ára bekk. Nemendur sem luku skyldustykkjum sínum samkvæmt námskrá gátu unnið aukaverkefni að vild. Yfirleitt höfðu nemendur frjálst val um verkefni sem hæfðu getu þeirra. Handavinnukennarar í Austurbæjarskóla á þessum árum voru Elísabet Helgadóttir F.26.11.1898, D.01.11.1982 og Rannveig Jónasdóttir F.18.10.1903, D.02.01.1994. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.