Svunta

1959 - 1960

Varðveitt hjá

Borgarsögusafn Reykjavíkur

Svuntan var skyldustykki í 11 ára bekk. Hún er mittissvunta með smekk, en búið er að klippa hann af. Svuntan er bundin saman að aftan. Böndin eru földuð í saumavél en hliðarnar á svuntunni eru faldaðar í höndum. Hægra megin að framan er lítill vasi. Útsaumur: Breiður munsturbekkur er neðan á svuntu og aðeins mjórri bekkur á vasa. Saumgerðir: Augnspor, klóspor og krosssaumur. Svuntusmekkur sem búið er að klippa af svuntunni fylgir. Smekkurinn var utanáliggjandi á svuntunni og náði niður á hana í miðju að framan og myndaði þar spíss (hvass oddur). Útsaumur á smekk er sami útsaumsbekkur og á svuntu. Fangamarkið KÞ er saumað með krosssaumi á smekkinn. Handavinnukennari Kristínar í Miðbæjarskólanum var Guðrún Sigurðardóttir, F.15.7.1905. D.15.7.1995. Við bendum á fróðlega grein sem Guðrún skrifaði í tímarit Heimilisiðnaðarfélags Íslands, Hugur og hönd árið 1983. Þar skrifar hún um handavinnukennslu í Barnaskóla Reykjavíkur, Miðbæjarskólanum, en hún kenndi við skólann frá 1930-1969. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.