Handavinnupoki

1958 - 1962

Varðveitt hjá

Borgarsögusafn Reykjavíkur

Handavinnupoki saumaður í 9 ára bekk 1957-1958. Nemendavinna úr Miðbæjarskóla. Pokinn er allur handsaumaður. Skylduvinna í 9 ára bekk samkvæmt námskrárdrögum frá 1948. Önnur hlið pokans er skreytt þéttum útsaumslínum sem liggja þvert á pokann. Útsaumsspor, talin að ofan: Augnspor, klóspor, krosssaumur, ídregið krókspor, leggsaumur (kontorstingur, varpleggur), afturstingur, skáþræðispor með krosssaumi (vantar heiti á saumsporið), ídregið þrefalt þræðispor. Munstrið speglast niður pokann. Á hinni hliðinni er fangamarkið KÞ, ártalið 1958, lítil munstur og hundur saumuð með krosssaumi. Faldur er brotinn á rönguna og gengið frá honum í höndum. Pokinn er saumaður saman með fínum sporum í brúnirnar. Hann er dreginn saman að ofan með heklaðri snúru. Stærð: 29 x 24 sm. Handavinnukennari Kristínar í Miðbæjarskólanum var Guðrún Sigurðardóttir, F.15.7.1905. D.15.7.1995. Við bendum á fróðlega grein sem Guðrún skrifaði í tímarit Heimilisiðnaðarfélags Íslands, Hugur og hönd árið 1983. Þar skrifar hún um handavinnukennslu í Barnaskóla Reykjavíkur, Miðbæjarskólanum, en hún kenndi við skólann frá 1930-1969. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.