Löber

Varðveitt hjá

Harðangur og klaustursaumaður löber. Fimm munstur. Bætt hefur verið við þennan dúk við upphaf síðasta munsturs. Saga: Dúkurinn var hafður á Buffeti sem er í eigu Jóhönnu Pálmadóttur á Akri, dótturdóttur Jóhönnu Erlendsdóttur (1905-1979) sem saumaði löberinn. Hún var fædd í Blöndudalshólum en ólst að mestu upp í Hnausum í Þingi. Síðar húsfreyja á Grýtubakka í Höfðahverfi og svo á Breiðavaði við Blönduós. Hún saumaði þennan dúk ásamt nr. 1994 og 1995, er hún var með Þorstein son sinn á brjósti, en hann var fimmta barn þeirra hjóna Sigfúsar og hennar.. Nú hefur Jóhanna Pálmad., barnabarn hennar, saumað annan eins löber. Löberinn er slitinn þeim megin sem sólin skein á hann.