Heimilisiðnaðarsafnið

Heimilisiðnaðarsafnið er viðurkennt safn sem starfar í samræmi við safnalög. Safnið er opið alla daga frá 1. júí til 31. ágúst frá kl. 10:00 – 17:00 og á öðrum tímum eftir samkomulagi. Munir safnsins mynda nokkrar aðskildar fastar sýningar: 1. Útsaumssýning, fallegur undirfatnaður kvenna frá fyrri tíð og listfengar hannyrðir. 2. Sýning á þjóðbúningum, úrval íslenskra þjóðbúninga frá seinni hluta nítjándu aldar til okkar daga. 3. Ullarsýning, þar sem vinnsluferli ullar er sýnt allt frá reifi til unninna flíka. 4. Áhöld og verkfæri, heimasmíðuð og sem notuð voru við heimilisiðnað. 5. Halldórustofa – helguð lífi og starfi hinnar merku konu Halldóru Bjarnadóttur (1873-1981). 6. Sýning textíllistamanns, einkasýningar sem eru breytilegar frá ári til árs. Þá er boðið upp á ýmsa menningarviðburði í safninu s.s. stofutónleika, fræðilega fyrirlestra, upplestur á aðventu, ýmiss konar námskeið o.m.fl.