Panta mynd Notkunarskilmálar

Hestur

01.01.1891 - 01.01.1900

Varðveitt hjá

Þjóðminjasafn Íslands

6 saman. Matthías Matthíasson í Holti, Reykjavík og kona hans, Ragnheiður Thorarensen, Jensína, systir Matthíasar og Ásgeir Eyþórsson, bæði að leggja af stað í ferð, sitjandi á hestbaki og með þeim Ámundi Ámundason í Hlíðarhúsum. e. fr. eru á myndinni Sólveig Einarsdóttir, síðar kona Bjarna Jónssonar, útibússtjóra á Akureyri og Karólína Hannesdóttir (systir Hans pósts), er síðar fór til Ameríku. Myndin tekin á halðinu fyrir utan húsin í Holti á Skólavörðustíg. „Þar bjó í fyrstu Jón Sigfússon tómthúsmaður, en frá 1868 Mattías snikkari Markússon (prests á Álftamýri Þórðarsonar stúdents) með konu sinni, annari aðalljósmóður bæjarins, Sólveigu Pálsdóttur (prests Jónssonar"skálda"). Hafði Mattías lært iðn sína í Þýskalandi og dvaldi þar árum saman áður en hingað kom. Mun nafnið Efra Holt hafa verið miða við Holt Magnúsar Pálssonar við suður enda Igólfsstrætis. (Jón Helgason, Reykjavík 1786-1936, bls. 61.) Uppdráttur eftir Benedikt Gröndal af Þingholtunum frá árinu 1876 sýnir staðsetningu bæjarins Efraholt nr. 32 (ritað þar í einu orði) en þar bjó þá Mad. Sólveig, (Klemens Jónsson, Saga Reykjavíkur, síðara bindi, bls. 140). Steinhúsið á myndinni var þar sem síðar var Skólavörðustígur 22 sjá Húsaskrá: Matthías Matthíasson, verslunarstjóri og síðar slökkviliðsstjóri byggði þarna steinhús úr holtagrjóti árið 1889. Faðir hans bjó að Efra Holti, er stóð sunnar á lóðinni (við Týsgötu). Matthías hækkaði húsið um eina hæð árið 1891 (svo það mældist þá 9,5 ál. á hæð). Ekki er tekið fram úr hvaða efni efri hæðin er. Sama ár lét hann byggja útihús úr steini á lóðinni (13 x 5,5 x 3,75 ál. að stærð).“ (ALG 2019)