Til baka í leit
Veistu meira?

Matarstell

1874 - 1909
Varðveitt hjá
Þjóðminjasafn Íslands
Matarstell frá Villeroy & Boch af gerðinni Julia (sbr. stimpil). Líkast til er það frá því um aldamótin 1900 eða mjög fljótlega uppúr þeim. Stimpill á botni er sá sem fyrirtækið notaði á árunum 1874-1909. Að sögn gefanda hefur stellið upphaflega verið fyrir 24. Það sem nú er eftir af stellinu er steikarfat, kartöflufat, hringlaga fat, 12 matardiskar og einn súpudiskur (sjá nánari lýsingar hér að neðan). Stellið er hvítt með blárri skrautrönd á barmi og gylltri rönd á brúnum. Stellið er úr eigu móðurforeldra gefanda, þeirra Sigurðar Eggertssonar Briem, sýslumanns og póstmeistara, og konu hans, Guðrúnar Ísleifsdóttur Briem. Þau bjuggu að Tjarnargötu 20 í Reykjavík. Þau gengu í hjónaband árið 1899 og því ólíklegt að stellið sé mikið eldra en það. Stellið var mikið notað á heimili þeirra í Tjarnargötu og sést það vel á gripunum. Á sumum gripunum er eins og mynstrið hafi runnið til, sé ekki alveg í fókus. Gefandi, Guðrún Jónsdóttir, erfði stellið eftir afa sinn og ömmu. Hún notaði það einungis við hátíðleg tækifæri. Steikarfat, sporöskjulaga. L. 45,4 cm; br. 30,7; h. 5 cm. Fatið hefur sýnilega verið mikið notað. Það hefur klofnað og hefur verið spengt saman með fjórum stórum spennum að neðanverðu. Viðgerðin var gerð í Kaupmannahöfn, enda var fjölskyldan með ágætis vinatengsl við Íslendinga sem búsettir voru í Danmörku á þeim tíma. Ekki er vitað hvenær viðgerðin var gerð. Kartöflufat með loki. L. 29; br. 17,9; h. 15,7 cm. Á því eru tvö eyru (höldur), gyllt og hnúður á loki er einnig gylltur. Kvarnast hefur úr barmi loksins á einum stað. Fat, hringlaga. Þvermál 34,5; h. 3,6 cm. 12 matardiskar, hringlaga. Þvermál 25,5; h.2,9 cm. Diskarnir virðast mjög mis mikið snjáðir af notkun. Einn þeirra hefur brotnað og verið spengdur saman með þremur stórum spennum að neðanverðu. Viðgerðin var gerð í Kaupmannahöfn, enda var fjölskyldan með ágætis vinatengsl við Íslendinga sem búsettir voru í Danmörku á þeim tíma. Ekki er vitað hvenær viðgerðin var gerð. Að auki eru sprungur í tveimur öðrum diskum. Súpudiskur, brotinn í tvo hluta. Þvermál 20,5; h. 3,2 cm. Hefur sýnilega verið mikið notaður. Þetta eru því 16 hlutir úr matarstellinu sem hafa varðveist (eru í 18 hlutum ef lok kartöflufatsins er talið og bæði brot súpudisksins).

Aðrar upplýsingar

Ártal
1874 - 1909
Efni
Safnnúmer
Safnnúmer B: 2011-99
Staður
Staður: Tjarnargata 20, 101-Reykjavík, Reykjavíkurborg
Aðfangategund
Undirskrár
Undirskrá: Munasafn
Efnisorð / Heiti
Efnisorð: Matarstell

Upprunastaður

64°8'43.6"N 21°56'39.9"W