Hattur

1930 - 1950

Varðveitt hjá

Kvenhattur. Svartur kollhattur úr filtefni. Efnið brettist inn á við og hatturinn er svolítið útbólginn í lögun sinni. Smávegis brot þvert yfir kollinn að framanverðu. Svart net fest að framan, liggur allan hringinn og fer upp á kollinn að aftan. Netið lafir niður að framan fyrir andlitið. Tekið saman í hnút í hægri hliðinni og þar ofan á eru þrjár bleikar rósir. Rósirnar eru m.a. úr flaueli og ásamt þeim eru græn blöð. Teygja að innan til að festa við höfuðið, orðin léleg og slitin frá öðru megin. Ómerktur. Sennilega frá 1930-1950. Gripirnir nr. Þjms. 2012-85 eru allir úr fórum Magneu D. Þórðardóttur, eiginkonu Jóhanns Þ. Jósefssonar, kaupmanns, útgerðarmanns, alþingismanns og ráðherra. Gefandi er dóttir þeirra hjóna. Sjá einnig nr. Þjms. 1991-60.