Hattur

1940 - 1960

Varðveitt hjá

Kvenhattur. Húfa úr hvítu lambaskinni (gæra). Stromplaga með flötum kolli. Svört brún neðst úr jersey-efni, og klauf á einum stað þar sem svarta brúnin nær upp með hliðinni. Þar á mótunum er skrauthnappur, yfirdekktur með sama svarta efninu. Klaufinni er lokað með tveimur smellum. Ómerktur. Sennilega frá 1940-1960. Gripirnir nr. Þjms. 2012-85 eru allir úr fórum Magneu D. Þórðardóttur, eiginkonu Jóhanns Þ. Jósefssonar, kaupmanns, útgerðarmanns, alþingismanns og ráðherra. Gefandi er dóttir þeirra hjóna. Sjá einnig nr. Þjms. 1991-60.