Eyja

01.01.1917 - 01.01.1918

Varðveitt hjá

Breskur togari við Vestmannaeyjar, sbr. Lpr-4629. Dalfjall og Herjólfsdalur í baksýn. „Mér sýnist í fljótu bragði að það sem mér sýndist vera F sé annaðhvort C eða O. Hinsvegar er númerið alveg skírt á hinum; GY 262. Sá togari hét President. Hann var smíðaður í Selby 1907 og gerður út frá Grimsby til 1920, að undanskildum árunum 1915-19 þegar hann var í þjónustu breska flotans, (og hét þá Presidency). Þetta var meðalstór togari, mældist 257 tonn, aðeins minni en Jón forseti RE 108 en aðeins stærri en Marz RE 114, sem mörkuðu upphaf togaraútgerðar frá Reykjavík 1907. Skipið komst "á blað" hér á landi 20. ágúst 1913, þegar Langnesingar kvörtuðu yfir yfirgangi þessa skips í landhelginni þar í blaðinu Lögréttu (bls. 142). 1920 var hann seldur til Brasilíu, þar sem hann virðist hafa verið í strandsiglingum á vegum ríkisins uns skipið var selt í brotajárn 1949. Myndin er því annaðhvort frá árunum 1907-15 eða 1919-20. Þetta eru allt breskir togarar í vari við Vestmannaeyjar.“ (BÞ 2017)