Bakari

01.01.1905 - 01.01.1907

Varðveitt hjá

Norska bakaríið, brauðgerð Emils Jensens á horni Mjóstrætis og Fischersunds. „Rétt nöfn eru þessi: Bakarinn með hvíta bakarahúfu og krosslagða arma er afi minn Edvard Frederiksen, 1879 - 1954. (Sjá Gottuleiðangurinn). Konan við hlið hans er amma mín, Guðrún Sigurlaug Þorgrímsdóttir frá Nesi í Aðaldal, 1882 - 1927. Hún heldur á dreng, sem síðar varð faðir minn; Edward, 1904 - 1971. Á milli hjónanna stendur Jóhanna dóttir þeirra, 1901 - 1993. Í dyragættinni stendur Jóhanna Jónsdóttir Austmann, langamma mín, 1847 - 1910. Sitjandi á handriðinu er Hjörtur, 1884 - 1915, afabróðir minn. Hann heldur á Othelíu dóttur sinni. Eftir andlát Hjartar, en hann var ekkill, flutti (ráðs?-) kona hans, sem var dönsk, með tvær dætur Hjartar til Danmerkur. Þar urðu þær um kyrrt. Inger, systir þeirra bræðra, 1875 - ??, stendur á efsta þrepinu. Börn, bakarasveinar og stúlkur, sem einnig eru á myndinni, veit ég ekkert um.“ (EF 2022)