Fiskur

01.01.1930

Varðveitt hjá

Um borð í togara og sér á hann bakborðsmegin að innanverðu frá brúarvæng og frameftir. Togveiðar. Maður á jakka með loðkraga á brúarvæng, en hásetar að störfum á þilfari. Klæddir stökkum, bússum, derhúfum, sjóhöttum og einn með dúskhúfu. Toghleri hangir í gálga. Trollið (belgurinn) við síðuna. Bobbingar. Fiskur á dekki og í belg. Á brúarvæng er skipstjórinn Tryggvi Ófeigsson. Undir honum (á stakk og með derhúfu) er Júlíus Sigurðsson, háseti, síðar togaraskipstjóri frá Hafnarf. Skipið sem er að togveiðum, notar hér "enska trollið". Var styttra frá toghlera í troll á því en á hinu franska. Franska trollið var tekið upp á Hafnarfjarðartogurunum um 1928-1930, eða svo, en gat þó vikið nokkuð frá þessu. Fyrir þann tíma var enska trollið brúkað. Hér eru trébobbingar í fullri notkun og eru þeir eins og hjól í laginu. Upp úr 1930 fóru járnbobbingar að tíðkast á íslenskum skipum og útrýmdu þá trébobbingum. Að sögn heimildarmanns er þessi mynd tekin á Selvogsbanka og verið að toga á hrauni, enda er trollið lásað í toghlerann (sem hangir á síðunni). Tímasetning sbr. GÁ 92.