Bryggja

01.01.1947 - 01.01.1952

Varðveitt hjá

Stakkasundkeppni á sjómannadaginn í Reykjavík að öllum líkindum á tímabilinu 1947 - 1952. Keppt var í innri höfninni, synt frá flekanum að Ingólfsgarði. Faxagarður í baksýn. Á bak við flekann er fiskibátur sem ber skráningarnúmerið MB 30 ( sbr. nr. 8150). Hér er um að ræða Aðalbjörgu sem smíðuð var í Svíþjóð 1946, en fyrst skráð 4.12. 1947. Þó er talið að Aðalbjörg hafi komið fyrr til landsins eða í ársbyrjun 1947 og e.t.v. haft bráðabirgðaskráningu. Árið 1959 varð hún Hrefna EA 33, sem fórst 27. 7. 1964. (Siglingarmálastofnun - skipaskráningardeild). Á bak við AÐALBJÖRGU MB 30, sést í FANNEY RE 4. Hún var smíðuð í Taroma 1945 og kom til landsins 22. nóv. sama ár. Fórst 2. 5. 1968. Eign Síldarverksmiðju ríkisins og Fiskimálanefndar ( Siglingarmálastofnun - skipaskráning). Bryggjan til vinstri, sem skipin liggja við, kallaðist TITTLINGUR og var á milli Faxagarðs (Löngubrúar) og Ingólfsgarðs. ( Uppl. Erlings Klemenssonar). Tímasetning miðast við uppl. um Aðalbjörgu MB 30 og Fanney RE 4. Ennfremur þá staðreynd að frá árinu 1953, hófu Hafnfirðingar eigin hátíðarhöld á sjómannadaginn. Gera má ráð fyrir að GÁ hafi tekið þátt í þeim ef hann var í landi.