Hópmynd, óskilgreinanleg

01.01.1877 - 01.01.1878

Varðveitt hjá

Í mynd er timburhús, byggt úr traustlegum, tilsniðnum bjálkum. Fremur lágur langveggur með tveim gluggum og sér í dyr yst t.h. Þakið er lagt plönkum og er allhátt ris og sér í kvistglugga efst og yst t.h. Við vegg hússins er hópur fólks, skeggjaður karlmaður situr yst t.v., síðan þrjár konur í peysufötum sitjandi og sú fjórða einnig í peysufötum stendur við hlið þeirra. T.h. stendur svo telpa. Innum gluggann t.h. sér í höfuð karlmanns. Á bakhlið myndarinnar er skrifað: Fyrir framan [Félagshúsið í Flatey] ca. 1878 / Sigríður Johnsen 1834 - 1912 / Sigurður Johnsen 1811 - 1870 / Bryndís 1858 - 1924 / Jófríður 1852 - 1897 = Jón Guðmundsson kaupm. í Flatey 1845 - 1888. Neðst er svo uppröðun fólksins á myndinni sýnd og seinni tíma nafn: Bryndís Þorsteinsdóttir. „Gamlhúsið í Flatey sem brann 1900. Það var byggt 1777-78 þar sem nú stendur Ásgarður. Húsið brann að hluta og var síðan rifið og Ásgarður reistur 1907. Mynd er af Gamlhúsinu í Eylendu I, bls. 184. Það var einmitt byggt í bjálkahússtíl eins og sjá má á húshorninu. Tveir gluggar voru einmitt sitt hvoru megin við útidyrnar og kvistur ofan við þær. Gamlhúsið var lágt en þakið mjög langt og mikið ris. Húsið stóð með gaflinn mót Grýluvogi, þvert á þá stefnu sem Ásgarður var síðar reistur í. Það sést greinilega á myndinni því Hafnarey sést milli húsa. Á myndinni er m.a. Jón Guðmundsson kaupmaður sem tók við versluninni í Gamlhúsinu 1875 en myndin var tekin 1877. Sigurður Jensson bjó síðan í húsinu 1880-1900. Klausturhólar voru einmitt reistir eftir að Gamlhúsið brann og Sigurður flutti þangað." (Ævar Petersen 2014)