Panta mynd Notkunarskilmálar

Fjall

01.01.1937

Varðveitt hjá

Þjóðminjasafn Íslands

Skip og bátar að síldveiðum. Fjöll í baksýn. Ljós fiskibátur fremst á mynd er ÓFEIGUR II VE 324 (skráningarnúmer sést), smíðaður í Friðrikssundi í Danmörku 1935, 21. brt. Fyrst í skipaskrá 1936. (Sbr. Ísl. sjómanna-almanak 1937, bls. 276; Jón Björnsson Íslensk skip 4, bls. 134). Togari t.h. gæti e.t.v. verið SVIÐI GK 7 frá Hafnarf. Togari um miðju er MAÍ GK 346, fyrsti togari Bæjartútgerðar Hafnarfjarðar, keyptur 1931. (Sbr. Ásgeir Guðmundsson, Saga Hafnarfjarðar I, Hf. 1983, bls. 328). Á skipinu má lesa hluta skráningarnúmers og auk þess stórt H á strompi. Þekkt af heimildarmanni sem var stýrimaður á b/v Maí 1931-1939. Segir hann Maí hafa verið á síld sumarið 1937, þ.e. í lok ágúst, og hvorki fyrr né síðar. Framan við Maí sjást nótabátar að veiðum, búið að snurpa að því er virðist. Fjær t.v. við nótabátana er færeyskur kútter, svartur með hvítum fleyg, með vél. Fjær á móts við Maí er óþekktur togari. Tímasetning heimildarmanns virðist trúverðug, kemur nokkurn veginn saman við uppl. um Ófeig II. Rétt ætti því að vera að myndin sé tekin sumarið 1937. Í eldri skrá segir ranglega að myndin sé tekin 1915, en að vísu er staðsetning þar rétt, þ.e. Skagafjörður. Myndin birtist í bók Ástvaldar Eydals, Silfur hafsins (Rv. 1948), 33. mynd. Uppl. þar stangast á við uppl. heimildarmanns sem er gamall togaraskipsstjóri og stundaði sjó frá 1916 - um 1960