Botnvarpa
01.01.1935 - 01.01.1939
Varðveitt hjá
Þjóðminjasafn Íslands
Botnvörpungur að síldveiðum. Verið að háfa. Sér aftur eftir skipinu: Hluti af formastri og bómu, brú, brúarvængur, lanternur, dekkspil, tveir menn á dekki, fjórir í brú og heldur einn í línu frá háfi, sem er fyrir miðju. Lengst t.v. sér á höfuð og herðar tveggja manna í nótabát við skipssíðu. Dekkiið sundurhólfað, en göngubretti og tágkörfur ofan á.
Menn á brúarvæng frá vinstri: Gunnar Sigurjónsson loftskeytam., Sigurjón Einarsson skipstj. (ætlar að opna háf með línu).
Menn í nótabát: T.h. Eyjólfur Kristjánsson, t.v. Einar Guðmundsson. Maður fremst á mynd: Haraldur Þórðarson stýrism. Járnrör út frá mastri eru s.k. brakket og halda gálgum föstum. T.h. út frá brú liggur öskurenna á borðstokk. Notuð af kyndurum til að hella út ösku. Rennan var hífð upp að skorsteini skipsins þegar hún var ekki í notkun og bundin fast. Öskunni var hellt út um dyr á ventli frá fírplássi. Mastur á miðjum brúarvæng, með rimum á, var fyrir kompás og sat hann efst á því. Kastarar á brúarvæng voru fyrir vinnu á dekki. Tágkörfurnar voru m.a. notaðar við síldarlöndun og bera lifur í.
Ath. Lanternum var breytt í síðari heimstyrjöld og því hægt að útiloka þann tíma hér.
Álútur maður við síldarháf, með disk í hendi, er Jóhann Guðmundsson háseti (síðasti skipstjórinn á kútter Surprise). Hann er hér að strá salti á síldina. (Heimildarm. Þorbjörn Eyjólfsson, f. 6.4. 1909, Arnarhrauni 13, Hafnarf.).
Aðrar upplýsingar
Ljósmyndari: Guðbjartur V. Ásgeirsson
Einar Guðmundsson, Á mynd
Haraldur Þórðarson, Á mynd
Eyjólfur Kristjánsson, Á mynd
Jóhann Guðmundsson, Á mynd
Gunnar Sigurjónsson, Á mynd
Sigurjón Einarsson, Á mynd
Einar Guðmundsson, Á mynd
Haraldur Þórðarson, Á mynd
Eyjólfur Kristjánsson, Á mynd
Jóhann Guðmundsson, Á mynd
Gunnar Sigurjónsson, Á mynd
Sigurjón Einarsson, Á mynd
Ártal
01.01.1935 - 01.01.1939
Safnnúmer
Safnnúmer A: GÁ-42
Stærð
14.5 x 10
Staður
Núverandi sveitarfélag: Árneshreppur, Árneshreppur
Aðfangategund
Undirskrár
Undirskrá: Guðbjartur V Ásgeirsson (GÁ)
Flokkun
Efnisorð / Heiti
Heimildir
Ágúst Ó. Georgsson vann þessa skrá árin 1987 - 1990. Heimildamaður: Magnús Óskar Guðbjartsson (2805212139); Jón Hjörtur Jóhannsson (2008127869); Þorbjörn Eyjólfsson (0604092779)