Fólk

01.01.1907

Varðveitt hjá

Sjö menn á hestum og einn í hestakerru á skemmtiferði. Mennirnir eru allir með höfuðföt og vel búnir. Þekkja má Lárus H. Bjarnason annan frá vinstri og Árna Thorsteinsson í kerru. Ludvig Hansen kaupmaður lengst til hægri. Í útreiðartúr við Rauðará. Í fjarksa má sjá hús efst við Laugaveg. (Sjá bók SEY nr. 37). Ljósmyndir Sigfúsar Eymundssonar, bls. 56-59/mynd 37: Í útreiðartúr inni við Rauðará. -Árni Thorsteinsson landfógeti situr í vagninum og aftan við hann sést sonur hans Árni ljósmyndari og tónskáld. Lárus H. Bjarnason prófessor situr gráa hestinn til vinstri og lengst til hægri er Ludvig Hansen kaupmaður. Byggðin er tekin að færast inn með Laugavegi. Til vinstri við keyri landfógetans sést ofan á Hegningarhúsið við Skólavörðustíg. -Staka húsið til vinstri var nefnt Mýrdalur, reist af Gísla Þorbjarnarsyni búfræðingi. Þetta hús átti Boilleau barón síðar, og stendur það enn, nr. 92 við Laugaveg. Myndin er sennilega tekin 1907, síðasta árið sem Árni Thorsteinsson lifði, þar eð ekki er vitað að léttivagnar eins og sá sem hann situr í, hafi flutzt fyrr til landsins. (Sett inn af Sigrúnu Blöndal, 17.3.2011)