Drengur

01.01.1922

Varðveitt hjá

Um borð í togara og sér á hann stjórnborðsmegin, hluta af keis, brú og brúarvæng. Á þilfarinu standa sex menn, þar af fjórir á jakkafötum. Tveir reykja pípur, en einn er á niðurbrettum bússum. Maður á jakka, með derhúfu, og á bússum hallar sér yfir borðstokkinn. Bak við hann er maður með derhúfu og á jakka með dökkum kraga að hluta. Upp á keis sést net og á móts við það sést höfuð á dreng sem hallar sér út af keisnum. Ber matrósahúfu. Á brúarvæng sést á bak nokkurra stúlkna, ein með fléttur, önnur með röndóttan höfuðklút. Í bakgrunni fjallshlíð, sjór. Sagt vera tekið í mynni Önundarfjarðar um 1922. Þá var Víðir GK 450 á leið til Svalbarðseyrar til síldveiða. Hér er það strandað í fjarðarmynninu, en losnaði aftur af skerinu um hádegi. Með í för voru síldarsöltunarstúlkur, sem sjást á brúarvæng, og aðrir farþegar. Ekki gátu heimildarmenn greint frá nöfnum manna á dekki svo öruggt sé. Klæðnaður þeirra ber þó skýlausan vott um að hér er ekki um sjómenn að ræða. Þó gæti maður sem hallar sér yfir borðstokk verið sjómaður, enda í klofbússum. Drengurinn er Adolf Björnsson (heimildarmaður), sonur skipstjórans, Bjarna Helgasonar. Fékk Adolf að fljóta með föður sínum á þessum árum.