Fiskveiði

01.01.1932

Varðveitt hjá

Um borð í togara að veiðum. Verið að hífa inn poka fullan af fiski. Trollið við síðuna. Fiskur á þilfari og sjóklæddir (stakkar, bússur, derhúfur, sjóhattar) menn. Sést fram eftir skipinu, hluti af keis, brúarvængur og að hvalbak. Maður á úlpu á brúarvæng. Ber einnig derhúfu. Lanterna stendur út frá brúarvæng. Bakgrunnur töluvert yfirlýstur en þá má greina þrímastrað seglskip við sjóndeildarhring. Togarinn þekkist með samanburði við aðrar myndir. Á brúarvæng stendur Sigurjón Einarsson, klæddur duffelcoat. Einar Guðmundsson, háseti, er við borðstokk næst ljósmyndara. Þegar trollið kom upp var það dregið á höndum að skipinu. Síðan var sett á það s.k. snarla (sést á trollinu við borðstokk hjá Einari), þ.e. reipi yfir belginn. Snörlunni var síðan fest í vír frá spili og togað í. Við þetta þjappaðist fiskurinn saman í pokanum. Tímasetning sbr. GÁ 91, en ennfremur sú staðreynd að ísl. fáni er ekki á brúarvæng. Sbr. GÁ 148. Hvítur hluti á poka er húð sem sett var á hann utan- og neðanverðan. Gert til þess að pokinn drægist ekki sundur á botninum. Viðbót 2021: Skipið er Garðar GK 25.