Barn
06.08.1900
Varðveitt hjá
Þjóðminjasafn Íslands
Steinbryggja. Á henni eru tveir handvagnar og er annar þeirra hlaðinn saltfisk. Hlaði af saltfisk milli vagns og báts sem verið er að skipa fisknum ofan í. Barn í bátnum og kona við vagninn. Einnig nokkrir menn á bryggjunni, svo og hey sem verið er að skipa í einn bátanna við bryggjuna. Bát er róið að landi. Úti fyrir bátar, gufuskip og herskip f. miðju. Nöfn greinanleg á tveim: Ceres og Botnía. Jón Helgason tímasetur myndina um 1900.
Ljósmyndir Sigfúsar Eymundssonar, bls. 52-55/mynd 33:
Útskipun á saltfiski um aldamótin. - Uppskipinarbátarnir eru venjulegir fiskibátar með Engeyjarlagi og er fiskurinn fluttur um borð í eitthvert gufuskipanna í höfninni. Af þeim þekkjast Ceres, stóra skipið lengst til vinstri, Hólar fjærst fyrir miðju, varðskipið Hekla (Heimdal) og Botnia til hægri.
(Sett inn af Sigrúnu Blöndal, 17.3.2011)
„Tímasetning þessarar myndar fer að verða nokkuð örugg 6. ágúst 1900, þegar hópur 84 danskra stúdenta kom með Botnia til Reykjavíkur. Það má nafngreina flest skipin á myndinni. Til vinstri sést í óþekkt seglskip. Þá koma fjær s.s. CERES (millilanda og strandferðaskip DFDS (Sameinaða Gufuskipafélagsins), og bak við það, breska beitiskipið HMS BELLONA, sem var hér sem gæsluskip (hagsmuna) breskra togara. Landmegin við það eru stór opinn bátur og lítlll gufubátur; Þetta eru líklega flutningaprammi Hvítárvallabarónsins og dráttarbátur hans HVÍTÁ. Þá koma í röð; Næst landi frönsk skonnorta, F25 frá Fécamp. Danska skonnortan ANNA frá Æreskjöping, og yst strandferða skip DFDS s.s. HÓLAR. ANNA var merkilegt skip, 100 brl. 88 nrl. eign Rasmussens skipstjóra, en var hér með flutning fyrir Thomens-verslunina. Hún var smíðuð úr eik í Svendborg 1811 sem jakt, (hét lengst af JULIE) en umbyggð í Marstal 1876 og þá settur á hana skonnortureiði. Hún er því gott dæmi um hve langlíf seglskip gátu orðið ef þeim var vel haldið við. Því næst er gamalt norskt gufuskip DRONNING SOPHIE frá Stavanger, 476 brt. smíðað í Bergen 1873. Það var mikið í förum hér við land undir lok 19. aldar sem leiguskip kaupmanna og var þarna nýkomið með farm frá Bretlandi til Edinborgarverslunar. Aftan við það er danska varðskipið Hejmdal (Heimdallur), sem hér var ca 7-8 mánuði á ári við gæslu. Aftan við Heimdall sést norska seglskipið Progress frá Stavanger, sem sömuleiðis kom með vörur til Edinborgarverslunar. Lengst til hægri er svo BOTNIA með stúdentana, og eru skipin fánum prýdd til að fagna þeim. Svo mikils var nú stúdentsnafnbótin verð í denn. “ (BÞ 2017)
Aðrar upplýsingar
Ljósmyndari: Sigfús Eymundsson
Ceres e/s, Á mynd
Heimdal hrs, Á mynd
Hólar e/s, Á mynd
Botnia e/s, Á mynd
Ceres e/s, Á mynd
Heimdal hrs, Á mynd
Hólar e/s, Á mynd
Botnia e/s, Á mynd
Ártal
06.08.1900
Safnnúmer
Safnnúmer A: Lpr-501
Stærð
16.5 x 21.5
Staður
Staður: Steinbryggjan, Reykjavíkurborg
Aðfangategund
Undirskrár
Undirskrá: Ljós- og prentmyndasafn (Lpr)
Flokkun
Efnisorð / Heiti
Myndefni: Barn
Myndefni: Bryggja
Myndefni: Bátur
Myndefni: Farþegaskip
Myndefni: Gufuskip
Myndefni: Handvagn, til fiskfl.
Myndefni: Hey
Myndefni: Karlmaður
Myndefni: Saltfiskur
Myndefni: Varðskip
Myndefni: Bryggja
Myndefni: Bátur
Myndefni: Farþegaskip
Myndefni: Gufuskip
Myndefni: Handvagn, til fiskfl.
Myndefni: Hey
Myndefni: Karlmaður
Myndefni: Saltfiskur
Myndefni: Varðskip
Heimildir
Þór Magnússon. Ljósmyndir Sigfúsar Eymundssonar. Reykjavík, 1976.
Upprunastaður
64°9'9.6"N 21°56'22.4"W