Drengur

01.01.1935

Varðveitt hjá

Lítill drengur á sjóstakk, með skinnhúfu og í ullarvettlingum. Heldur um sporð á þorski sem búið er að taka innan úr. Tekið um borð í fiskiskipi (togara) og sjást stíur og fiskikarfa í baksýn. Sjóklæddir menn við vinnu, flatningu vinstra megin (sér á). Þetta er EINAR SIGURJÓNSSON (heimildarmaður) um 5 ára. Tekið um borð í b/v GARÐARI GK 25 en faðir Einars, Sigurjón Einarsson, var skipstjóri. Einar kveðst stundum hafa fengið að fljóta með (= fara með). Segir hann myndina tekna á Selvogsbanka. Sama skipti og GÁ 2008. (Myndin er áreiðanlega tekin í sama skipti og GÁ 2011 en móðir drengsins, RANNVEIG VIGFÚSDÓTTIR, kona Sigurjóns Einarsson, skipstjóra á b/v Garðari, var einnig gestkomandi um borð. Barnið hefur því verið í umsjá móður sinnar. Rannveig mun hafa fengið að fljóta með túr og túr. GÁ 2011 sýnir hana í sjóklæðum og einnig með þorsk í fanginu. Einar fékk að "fljóta með" kallað er, en það merkir ekki að hann hafi verið í (barna)vinnu á skipinu heldur fengið að koma með sér til gamans þótt hann sé klæddur í hlífðarföt. Þekkt dæmi eru um að synir skipverja, ekki síst á síldveiðum, hafi farið með feðrum sínum til sjós í einn og einn túr sér til skemmtunar. ÁÓG 02.18.2022).

Aðrar upplýsingar

Ljósmyndari: Guðbjartur V. Ásgeirsson
Einar Sigurjónsson, Á mynd
Garðar GK 25, Á mynd

Ártal

01.01.1935

Efni

Gerð myndar, Svart/hvít pósitíf
Gerð myndar, Svart/hvít negatíf, Blaðfilma

Safnnúmer

Safnnúmer A: GÁ-2050

Stærð

6 x 9

Aðfangategund

Ljósmyndir

Undirskrár

Undirskrá: Guðbjartur V Ásgeirsson (GÁ)

Flokkun

Þjóðlífsmyndir

Efnisorð / Heiti

Myndefni: Drengur
Myndefni: Fiskur
Myndefni: Húfa, sem höfuðfat
Myndefni: Karfa, óþ. notk.
Myndefni: Sjóstakkur
Myndefni: Togari
Myndefni: Vettlingur

Heimildir

Ágúst Ó. Georgsson vann þessa skrá árin 1987 - 1990. Heimildamaður: Einar Sigurjónsson (0204307619). Sigurjón Einarsson, Sigurjón á Garðari. Endurminningar Sigurjóns Einarssonar skipstjóra á Garðari (Skuggsjá 1969), ljósmynd á móti bls. 145.