Barn

01.01.1902

Varðveitt hjá

Hópur barna framan við timburhús afgirt með miðjukvisti. Félagar í KFUM með svissneska leiðtoganum Charles Fermaud. „Myndin er tekin vorið 1902 í tilefni af heimsókn Charles Fermaud sem var framkvæmdastjóri Heimssambands KFUM. Fermaud sést á myndinni með hvítt hökuskegg u.þ.b. þar sem pakkhúsið t.v. mætir íbúðarhúsinu. Örlítið til hægri við hann er sr. Friðrik Friðriksson. Fermaud dvaldi hér frá 6. maí til 17. júní svo myndin er tekin á því tímabili. - Sjá m.a. nánar í ævisögu sr. Friðriks: Starfsárin 1 bls. 203-211. Á myndinni eru tveir fánar og á milli þeirra merki Heimssambands KFUM sem KFUM á Íslandi notaði sem sitt merki í upphafi 20. aldar. Danski fáninn t.h. en ég þekki ekki fánann til vinstri - þætti fróðlegt að vita nánar um hann ef einhver veit deili á honum? - Á myndinni eru aðallega börn úr KFUM og KFUK (ekki bara KFUM) og eitthvað af eldra félagsfólki. Ég er ekki öruggur á fleirum miðað við fókusgæði myndarinnar í tölvunni. Þriðji maðurinn með svarta hattinn og skeggið á hægri hönd við sr. Friðrik gæti þó mögulega verið Ditlev Thomsen konsúll sem sæti átti í stjórn KFUM um þetta leyti og rak sína verslun í næsta húsi við Melsteðshús. Mér sýnist líka að Hallur Þorleifsson (faðir Kristins Hallssonar söngvara) gæti mögulega verið vinstra megin við neðsta hornið á fánanum sem ég var að spyrja ykkur um hvort þið könnuðust við. (ÞB 2016)