Fiskveiði

01.01.1930

Varðveitt hjá

Togari að veiðum. Verið að taka inn pokann. Myndin tekin um borð og sér á skipið bakborðsmegin frá brúarvæng að bakka. Sjóklæddir (stakkar, bússur) menn á þilfari, þar af tveir aftast á skipinu sem toga í trollið. Annar þeirra með derhúfu, hinir með sjóhatta. Við sjóndeildarhring er togari á siglingu. Júlíus Sigurðsson, háseti er með húfu að toga í trollið aftast á skipinu. Hjá honum er Ágúst Hjörleifsson, háseti (með yfirskegg). Lengi var belgurinn dreginn á höndum til að fá fiskinn ofan í pokann. Síðan var sett reipi yfir belginn, s.k. snarla, og það fest í spil. Híft á spili til að fá fiskinn enn betur í pokann. Stundum kom fyrir að færa þurfti snörluna. S.k. Rússi var tekinn upp árunum 1951-52. Var hann notaður til að herða saman belginn til að geta komið snörlunni á. Með Rússa var netið ekki halað á höndum heldur með spili, og var þá áður búið að hífa inn bobbinga. Síðan var sett á snarla. Þessi aðferð mun fyrst hafa verið tekin upp af Jóhanni Magnússyni, skipstjóra á Akurey RE 95 í Hvítahafi. Aðrir tóku þetta upp eftir honum. Aðferðin kallaðist Rússi af því að hún var fyrst notuð í Hvítahafi. (Frásögn Jóhanns Magnússonar, fyrrum skipstj., Sporðagrunni 10, Rvk.). Tímasetning sbr. GÁ 92. Ljós hluti á pokanum er húð sem sett var á hann utan- og neðanverðan til hlífðar. Viðbót 2021: Skipið er Júpíter GK 161.