Fiskveiði

01.01.1932

Varðveitt hjá

Togari að veiðum. Tekið um borð og sér á hluta af brú, brúarvæng og frameftir skipinu. Mikill fiskur á dekki. Sjóklæddur mannskapur. Trébobbingar, toghleri. Trollið með afla í við skipshlið og að hluta innanborðs. T.h. auður sjór og himinn. Maður á brúarvæng klæddur enskri úlpu (duffel) og með derhúfu. Fremst á mynd sést hvernig trollið er bundið við blökk á keis með s.k. rób. Tekið fyrir 1940, enda ísl. fáni ekki á brúarvæng. Tímasetning einnig sbr. GÁ 91. Maður á brúarvæng er Sigurjón Einarsson, skipstjóri. Jón Sveinsson, 2. stýrimaður, er næstur ljósm. (heldur í troll v. borðstokk.). Jóhann Guðmundsson, háseti, sést á hlið, höfuð hans er með húfu og yfirskegg. Uppreist fjöl á bak við hann. Ath. tímasetning sbr. GÁ 148 og 158. Trollið er s.k. Englendingur ... (?) að beint í toghlera. Maður við borðstokk, með dökka húfu, heldur á krók. Slíkir krókar voru notaðir til að draga í belginn. Þó ekki ef eitthvað var að veðri eða þegar drátturinn fór að þyngjast, enda var hætta á að menn gætu bókstaflega hrokkið útbyrðis í öldurótinu. Hér er án efa verið að undirbúa að koma snörlu á belginn, sem var undanfari þess að pokinn væri hífður um borð til tæmingar. Viðbót 2021: Skipið er Garðar GK 25.