Eyja

05.08.1899

Varðveitt hjá

Fjöldi skipa og árabáta á legu við eyju. Þetta eru að hluta færeyskar skútur og erlend skip en einnig togari. Greina má einkennisstafi á tveimur: F 23 og F 13 og heiti á einu: Hólar. Fjöll og eyjar í baksýn. Sér út í Viðey og í Viðeyjarstofu. „Hér ber vel í veiði og hægt að dagsetja myndina nokkuð nákvæmlega; 4-6. ágúst 1899. Lykillinn er stóra skemmtiferðaskipið fjærst. Þetta er s/s OPHIR, sem aðeins er vitað til að hafi komið einu sinni til Íslands; 3. ágúst 1899, fór aftur að kvöldi 6. ágúst. Koma skipsins þótti talsverð tíðindi; sbr. t.d. Þjóðólf 4. ágúst 1899, bls. 151. (...) Annað skip sem auðþekkt er, er herskipið fyrir aftan Ophir. Þetta er breska 3. flokks beitiskipið HMS BLONDE, lítið skip, tæp 1600 tonn, smíðað 1889, sem var hér við land við eftirlit með fiskveiðum þetta ár. (...) Blonde var á Seyðisfirði 2. ágúst, en var annars sagt hafa legið mest í Reykjavík. Kvartað var undan því að eftir að það kom í júní hafi togaratökur Heimdalls lagst alveg af. Norska hvaldráttar- og flutningaskipið BARDEN, eign Ellefsens-félagsins á Sólbakka í Önundarfirði, kom 4 ágúst að vestan með fyrirmenn, þ.á. m. Hannes Hafstein. Þótt myndum beri ekki nákvæmlega saman er það líklega sérkennilega skipið með mjög lotuðu stefni hvers strompur ber í stefni Blonde. Breski togarinn ystur til vinstri verður ekki nafngreindur, en er líklega frá Hull eftir skorsteinslitunum að dæma.“ (BÞ 2017)