Panta mynd Notkunarskilmálar

Upphlutur

1952

Varðveitt hjá

Þjóðminjasafn Íslands

Telpuupphlutur með áföstu pilsi. Upphluturinn er rauður með svörtum upphlutsborðum og pilsið er svart með rauðum faldi. Á upphlutsborðum er gul, hekluð snúra til skrauts og átta gylltir hnappar, fjórir hvorum megin. Á baki eru vírborðaleggingar. Með upphlutnum fylgja blússa (Þjms. 2011-9-9), svunta (Þjms. 2011-9-10) og belti (Þjms. 2011-9-11). Búningurinn er af gefanda frá því hún var 6 ára gömul. Búningurinn var saumaður af móður hennar, Svövu Guðjónsdóttur frá Kýrunnarstöðum (f. 1903) og móðursystur, Þuríði Guðjónsdóttur frá Kýrunnarstöðum (f. 1905). Þær systur saumuðu slíka upphlutsbúninga á gefanda og tvær systur hennar árið 1952 í tilefni sextugsafmælis frænda þeirra, Jens Bjarnasonar í Ásgarði (f. 3.6.1892). Þær voru frá áramótum 1951/1952 að sauma búningana. Þær höfðu lært að sauma af móður sinni, Sigríði Jónsdóttur á Kýrunnarstöðum (f. 1875) en hún hafði numið að Ytri-Ey, rétt fyrir aldamótin 1900. Upphluturinn er í góðu ástandi. Sjá einnig búning nr. Þjms. 2011-9-12, 13, 14, sem er af systur gefanda. Búningur þriðju systurinnar, Sigríðar, hefur ekki varðveist. Einnig fylgja afgangar af efnunum sem notuð voru í saumaskapinn (Þjms. 2011-9-15).