Brú

17.06.1930

Varðveitt hjá

Prentmót f/ prentmynd "panorama". Frummynd hefur verið samsett, að sjá, úr tveim frummyndum öðrum, merktum í þessum flokki sem 106 og 107. Mynd tekur yfir mannfjölda á Alþingishátíðinni á Þingvöllum 1930. Fólk hefur þar raðað sér og komið fyrir á hverjum þeim auða blett sem þar var að finna, m a. úti á hólma í og á brú yfir Öxará. Fremst á mynd og að miðju fyllir mannfjöldi myndflöt og um miðja mynd rennur svo Öxará í farvegi sínum um hólma sem fólk hefur gengið út á og komið sér fyrir. Hinu megin ár, fyrir frama kirkju og prestssetur, er einnig fjöldi fólks. Á bak við prestsetur og kirkju sér í tjaldborg sem slegið hefur verið upp og þar á bak við hraunbreiða og fjallasýn. Vel má greina fatnað fólks á mynd og móta þannig sýn á tísku og tíðaranda þessa tímabils. Þá má einnig greina á mynd og jafnvel bera á kennsl, mörg andlit fólks í fólksmergðinni.