Hraun

17.06.1930

Varðveitt hjá

Frummynd, tekin yfir mannfjölda á Alþingishátíðinni á Þingvöllum 1930. Fólk hefur raðað sér og komið fyrir á hverjum þeim auða blett sem var að finna, m a. úti á göngubrú yfir Öxará. Fremst á mynd og að miðju fyllir mannfjöldi myndflöt og neðarlega fyrir miðju má sjá hvar er autt pláss þar sem ljósmyndarar hafa stillt upp fólki í fornmannabúningum til myndatöku. Um miðja mynd rennur svo Öxará í farvegi sínum, samkomutjald er á hægri bakka fyrir aftan mannfjölda. Hinu megin ár, fyrir frama kirkju og prestsetur, er einnig fjöldi fólks og á bak við prestsetur og kirkju sér í tjaldborg sem slegið hefur verið upp og þar á bak við Öxará og Þingvallavatn. Vel má greina fatnað fólks á mynd og móta þannig sýn á tísku og tíðaranda þessa tímabils. Þá má einnig greina mörg andlit í fólksmergðinni.