Harmonika

Varðveitt hjá

Harmonikan var uppi á háalofti í drasli eftir að búið var að tæma húsið að Hlíðarvegi 22. Þar bjó Sigurður Gunnlaugsson f. 5. okt 1906, d. 25. okt 1991. Sigurður átti harmonikuna og spilaði á hana. Hann átti einnig píanó, orgel, gítar og mandolín og gat spilað á öll hljóðfæri. Móðir hans var Margrét Meyvantsdóttir en hún var mjög músikölsk og tónelsk. Hún hefur líklega alið upp tónlistarháhuga í sonum sínum eða þeir erft hæfileikana frá henni. Sagt er að hún hafi spilað á skemmtunumog jafnvel spilað dansandi með harmonikuna á baki dansherrans. Þessi tiltekni gripur er þó líklega ekki úr hennar eigu. Líklegt er að Sigurður hafi eignast hann þegar hann var hafnargjaldkeri á síldarárunum á Siglufirði. Þá var hann í mjög góðum og miklum samskiptum við norsku og sænsku skipstjórana. Þetta var um 1950. Líklegt er að hann hafi fengið harmonikuna í gegnum sænska eða norska skipstjóra. Sigurður varð síðar bæjarritari á Siglufirði. Hann flutti svo suður á efri árum og eftir að búið var að tæma húsið eftir andlát hans var haft samband við FÁUM (Örlyg Kristfinnsson) vegna þeirra gripa sem eftir voru á háaloftinu. Var það ábending frá ættingjum og fékk ÖK góðfúslegt leyfi þeirra til að hirða þar dót, m.a. þessa harmoniku. Harmonikan fór í viðgerð í september 2011. Það var Guðni A. Þorsteinsson sem lappaði upp á gripinn. Að hans sögn verður harmokikan líklega ekki almennilegt hljóðfæri þrátt fyrir viðgerðir, en það er vel hægt að ná á hana einhverjum tónum. Harmonikan er framleidd í Þýskalandi og er afar lítil, líkist helst barnaharmoniku.

Aðrar upplýsingar

Sigurður Gunnlaugsson, Notandi

Safnnúmer

Safnnúmer A: 920909

Stærð

15.5 x 13 x 21.5 cm Lengd: 15.5 Breidd: 13 Hæð: 21.5 cm

Staður

Staður: Hlíðarvegur 22, 580-Siglufirði, Fjallabyggð

Aðfangategund

Munir

Undirskrár

Undirskrá: Almenn munaskrá

Efnisorð / Heiti

Efnisorð: Harmonika

Heimildir

Samtal við Gunnlaug Sigurðsson, son Sigurðar Gunnlaugssonar. Símtal þann 20. september 2011. Gunnlaugur er frv. skólastjóri í Garðabæ, fæddur 1939. Hann man vel eftir að hafa séð og heyrt föður sinn spila á harmonikuna og spilaði einnig á hana sjálfur.

Upprunastaður

66°9'12.5"N 18°54'42.2"W