Bygging, til mennta- og menningarstarfsemi og til trúariðkana

01.01.1930

Varðveitt hjá

Einlyft timburhús á lágum steyptum grunni með valmaþaki í byggingu. Byggt á greiningu Þórs Magnússonar. I.L.B 10.1.2006. „Þetta er heimavistarhúsið Björk sem var reist árið 1930. Stærðin á því var skráð 20 X 10 og stendur um 200 m. frá Héraðsskólanum. Í húsinu voru 11 herbergi og eitt baðherbergi. Þarna voru að jafnaði 4-5 í hverju herbergi og nokkuð þröngt um menn. Upphaflega hét húsið Sion en það var vegna þess að áður en það kom til þurftu skólapiltar að deila saman einni stórri stofu í skólahúsinu sem hét Babylon. Babylon var upphaflega kölluð Glaumbær en þar sváfu allir nemendur saman en eftir því sem heimavistarherbergjum fjölgaði gengu stúlkurnar fyrir í þeim en piltar urðu áfram að vera stofunni. Nafnið Björk var þó fljótlega tekið upp og hélst alla tíð. Sagan segir að grindarefni ofl. sé úr pöllum sem reistir voru á Þingvöllum fyrir alþingishátíðina 1930. Húsið var í byggingu þegar nemendur komu um haustið en piltarnir unnu hörðum höndum að því að klára það og það hafðist fyrir áramót. Mikil veisla var haldin í skólanum af því tilefni skömmu fyrir jól og haldið upp á flutningana. Þetta er fyrsta hús á Íslandi sem var klætt að innan með þunnum krossvið - sá ég í einhverri skýrslunni en hef ekki fundið það aftur.“ (PH 2015)