Einkennishúfa, einkennishattur
1997 - 2010
Varðveitt hjá
Þjóðminjasafn Íslands
Einkennishúfa fangavarðar, af þeirri gerð sem tekin var í notkun hér á landi árið 1997 og er enn í notkun í dag. Húfan er með dökkbláum kolli og svörtu deri. Á kollinum framanverðum er gyllt húfumerki, íslenska skjaldarmerkið. Í húfunni innanverðri eru tvö spjöld, annað merkt P. EYFELD, húfugerð og herrafataverzlun, til húsa að Laugavegi 65 í Reykjavík. Á hitt er handskrifað nafn gefanda og notanda, Gunnars Vals Jónssonar, þá starfandi varðstjóra. Húfan er í mjög góðu ástandi.
Gripirnir númer Þjms. 2011-87 eru allir úr eigu Gunnars Vals Jónssonar og tengjast starfsferli hans en hann vann sem fangavörður í 35 ár. Hann hóf starfsferil sinn á Litla-Hrauni árið 1973. Fluttist svo til Reykjavíkur og starfaði í Hegningarhúsinu á Skólavörðustíg, í Síðumúlafangelsi og í Kvennafangelsinu. Hann vann svo aftur um stutt skeið á Litla-Hrauni en lauk starfsferli sínum svo í Hegningarhúsinu. Gunnar var einn af aðalstofnendum Fangavarðafélags Íslands þann 21. október 1973. Með gripunum fylgja þrjár litmyndir af Gunnari í fangavarðabúningum.
Aðrar upplýsingar
Ártal
1997 - 2010
Efni
Safnnúmer
Safnnúmer B: 2011-87-5
Stærð
26.7 x 0 cm
Lengd: 26.7 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Einkennishúfa, einkennishattur