Einkennishúfa, einkennishattur
1965 - 1980
Varðveitt hjá
Þjóðminjasafn Íslands
Einkennishúfa fangavarðar, af þeirri gerð sem notuð var hér á landi frá því fyrir 1970 og til 1980. Húfan er með hvítum kolli og svörtu deri. Á mótum kolls og ders er gylltur borði. Að framanverðu er hringlaga fánamerki. Á kollinum framanverðum er gyllt húfumerki, íslenska skjaldarmerkið. Í húfunni innanverðri er spjald merkt P. EYFELD, húfugerð og herrafataverzlun, þá til húsa að Laugavegi 65 í Reykjavík. Þá er handskrifað á miðann nafn gefanda og notanda, Gunnars Vals Jónssonar, þá starfandi fangavarðar á Litla Hrauni. Húfan er í mjög góðu ástandi.
Gripirnir númer Þjms. 2011-87 eru allir úr eigu Gunnars Vals Jónssonar og tengjast starfsferli hans en hann vann sem fangavörður í 35 ár. Hann hóf starfsferil sinn á Litla-Hrauni árið 1973. Fluttist svo til Reykjavíkur og starfaði í Hegningarhúsinu á Skólavörðustíg, í Síðumúlafangelsi og í Kvennafangelsinu. Hann vann svo aftur um stutt skeið á Litla-Hrauni en lauk starfsferli sínum svo í Hegningarhúsinu. Gunnar var einn af aðalstofnendum Fangavarðafélags Íslands þann 21. október 1973. Með gripunum fylgja þrjár litmyndir af Gunnari í fangavarðabúningum.
Aðrar upplýsingar
Ártal
1965 - 1980
Safnnúmer
Safnnúmer B: 2011-87-3
Stærð
26.4 x 0 cm
Lengd: 26.4 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Einkennishúfa, einkennishattur