Eyja

01.01.1912

Varðveitt hjá

Síðutogari, gufuknúinn, á hægri siglingu. Á kinnungnum eru stafirnir: RE 141. Land í baksýn, Viðey. Efst t.v. er prentað: Snorri Goði. „Myndin er tekin af Magnúsi Ólafssyni og er frummyndin í Ljósmyndasafni Reykjavíkur. Jón Otti Jónsson fv. skipstjóri sendi Sjómannablaðinu Víkingi þessa mynd til birtingar 1967. Hún birtist í 7-8 tbl, bls. 407, og fylgdi með eftirfarandi texti Jóns: "Myndin er tekin 1911 eða 1912, það var búið að gjöra það klárt til síldveiða, nótin sést búlkuð aftur á hekki, og er skipið á leið til Viðeyjar að taka kol, sést vesturendi eyjarinnar á stjórnborða, og mun Geldinganesið vera framundan á bakborða. Þetta var fallegt skip að sjá, á þeirra tíma mæli, en ekki að sama skapi gott sjóskip. "Líklegra er að myndin sé tekin 1912 því heimildir eru um að það hafi þá stundað síldveiðar, en ekki 1911.“ (BÞ 2017)