Panta mynd Notkunarskilmálar

Flaggstöng, utanhúss

01.01.1890

Varðveitt hjá

Þjóðminjasafn Íslands

Hesteyri. Á bakhlið rækilegar skýringar Leifs Sigurðssonar. Á bakhlið er texti, bæði skrifaður og prenntaður á upplímdan miða: Á myndinni eru, lengst til hægri: Ásgeir Ásgeirsson etatsráð og eigandi verzlananna á Ísafirði og Hesteyri og víðar, þá Sigurður faðir minn og verzlunarstjóri á Hesteyri, þá líklega Benedikt Bjarnason afi Soffíu Vagnsdóttur og þá Guðmundur Þorsteinsson, faðir Guðmundar J. Guðmundssonar er hingað kom 22. júní 1969 og kannaðist við mynd föður síns. En það gerði Soffía kona hans ekki um afa sinn. [Leifur Sigurðsson] Frá Leifi Sigurðssyni (verzlunarstjóra á Hesteyri Pálssonar). Aftan á sjálfa myndina er skrifaður þessi texti Verslunarhúsið á Hesteyri. Verslunin var stofnuð síðast í sptember 1889. Myndin mun hafa verið tekin árið 1890, því spænir, sem fara áttu á þakið, liggja í haug fyrir framan húsið, en ég má segja að mér hafi verið sagt eða inhverntímann heyrt, að það hafi orðið að bíða til næsta sumars, frá því verslunin byrjaði, að þekja þakið með þessum tré-spónum (tré-plötur). Eigandi verslunarinnar, Ásgeir Ásgeirsson, situr klofvega á brennivínstunnu til hægri. Næst honum, með harðan hatt og trefil um hálsinn, er faðir minn, Sigurður Pálsson verslunarstjóri þar, hafði hann haft mikið kvef og ví verið með trefil. Í gömlum bréfum segir hann frá að mikill trekkur hafi verið í húsinu (á meðan það var nýbyggt). Hinir aðrir á myndinni eru Hesteyringar. Síðar voru byggð 2-3 pakkhús og skúrar, og norðurendi verslunarhússins hækkaður og gerður að íbúð. (Sjá nýrri mynd af því annarsstaðar). Verslunin á Hesteyri hafði útibú, salthús, fisktökuhús og kornvörugeymslu á Látrum og Sæbóli í Aðalvík, Höfn á Hornströndum og Staðareyrum. Faðir minn var verslunarstjóri á Hesteyri í 30 ár, til 1919. Reykjavík 2. ágúst 1943. Lefiur Sigurðsson.