Til baka í leit
Veistu meira?

Veggteppi

1900
Varðveitt hjá
Þjóðminjasafn Íslands
Útsaumað veggteppi eftir Helgu Benediktsdóttur Gröndal (f. 1875, d. 1937). Teppið er saumað í ljósbrúnan stramma með íslensku ullarbandi. Sporin eru krosssaumur. Munstrið, blóm, jurtaskraut og áttablaðarósir, virðist Helga hafa sett saman og haft að leiðarljósi ýmsar ábreiður í Þjóðminjasafninu. Í grunninn er það gulbrúnt en munstrið er í rauðum, bláum og grænum litum. Fóður er brúnt og við efri brún teppisins eru tíu heklaðar lykkjur til að hengja það upp. Teppið er saumað í kringum aldamótin 1900. Það er 109 cm á hæð og 120 cm breitt. Helga var gift Þórði Edilonssyni lækni í Hafnarfirði og veggteppið hékk uppi á heimili þeirra hjóna í gamla sjálfstæðishúsinu í Hafnarfirði við Strandgötu. Gefendur eru barnabörn þeirra hjóna. Teppið kom í hlut Þórðar (annars gefanda), sem lengi hefur verið búsettur í Danmörku. Gefendur vildu að veggteppið hlyti varðveislu á Íslandi. Það er í mjög góðu ástandi þó smávægilegar rakaskemmdir séu á fóðrinu.

Aðrar upplýsingar

Ártal
1900
Efni
Safnnúmer
Safnnúmer B: 2011-8
Stærð
109 x 120 cm Lengd: 109 Breidd: 120 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Veggteppi